احنا صبرنا 14 سنة و12 سنة مع هاي الجماعة يجي واحد كان عند النظام البائد بصير مسؤول عنا..

رسالة وصلتني من أخ مجاهد قديم مع الجبهة ثم الهيئة وهذا نصها:
السلام عليكم ورحمة الله وبركاته
كيف حالك شيخنا الحبيب
في عنا مشكلة أكيد هي مشكلة معظم العسكريين في إدلب والشمال السوري المحرر سابقا وهي التهميش مازال مستمرا للإخوة أصحاب الكفاءات أصحاب الخبرات العسكرية بس ما عندهم شهادات.. أكيد الكل بيعرف ليش لأنو وقت خرجنا على بشار تركنا الدارسة

أنا ابن هيئة تحرير الشام من 2014 إلى الآن صرنا دولة آنا كادر في هاي جماعة
معقول بعد التحرير يتم التهميش وعندنا خبرات لسنوات ودورات كنا نعملها مكثفة
كلها راحت بس بدهم اليوم صاحب شهادة..
ما في معركة وإلا مشارك فيها سواء في جبال الساحل وريف حماة وحلب وريف حلب وإدلب وريفها تشهد لنا بفضل الله
مشكلة بعد هي سنوات آجي يحطوني حرس على الباب سعري بسعر شباب جدد كانو في مناطق النظام سابقا..
والمشكلة عم يصير مسؤول.. قسما بالله أشوفه بعيني وكتير إخوة قالتلي فلان مسؤول هلق هاد كان عند نظام وفلان كان عند النظام صار علينا مسؤول احنا صبرنا 14 سنة و12 سنة مع هاي الجماعة يجي واحد كان عند النظام البائد بصير مسؤول عنا.. إلى الله المشتكى يعني صارت واسطة ولا شهادة جامعية؟
شيء بيقهر والله؟
علما شيخنا صار تنسيب أعداد كتير جدد في الأمن العام كانو في مناطق نظام البائد استلموا مناصب وصاروا مسؤولين
يجي مسؤول جديد مضى كل عمرهم في التشبيح وتمجيد الأسد يعطي أوامر على الأخ القديم مضى كل عمر يجاهد ويقاتل شبيحة الأسد يعرف حاله في أية لحظة قد يقتل في سبيل الله معقول وصلنا لهون كادر يصير عنصر.. ومنتسب جديد ما بيعرف شو معنى ثورة وجهاد يصير مسؤول معقول في واسطة وتزكية
يا ليتني مت قبل هذا وكنت نسيا منسيا
أتمنى أن يصل هذا إلى مسؤولين وزارة الداخلية ينظروا في موضوع الإخوة القدامى وأن يتقوا الله فينا.

عبدالرزاق المهدی